Aaj bhar jee lene de kaafiron ki

Aaj Bhar Jee Lene De Kaafiron Ki Tarah,
Insaan Ki Tarah Hum Kal Jee Lenge,
Aaj Kar Lene De Ek Pathar Dil Ki Pooja,
Teri Ibaadat Hum Kal Kar Lenge.
Aaj Doob Jaane De Un Aankhon Ki Sharaab Mein,
Aab-E-Zamzam Hum Kal Pee Lenge,
Aaj Ho Jane De Humein Bechain Aye Khuda,
Sabr Se Hum Kal Kaam Lenge,
Ek Aur Din Dikha Lene De Bachpana,
Sayaane Hum Kal Ho Lenge,
Aaj Ho Jaane De Unke Ishq Me Fana,
Sazaa Hum Kal Tay Kar Lenge.
Aaj Kar Lene De Ek Aur Gunaah,
‘Namaaz-E-Kazaa’ Hum Kal Padh Lenge
.