Aaj daaman se ashqon ki mulaqaat ho

Aaj Daaman Se Ashqon Ki Mulaqaat Ho Rahi Hai
Mera Din Ro Raha Hay Meri Raat Ro Rahi Hai
Ye Zameen Ro Rahi Hai Mere Kadmon Se Lipat Kar
Mere Gale Lag Ke Taaron Ki Baraat Ro Rahi Hai
Aansoo Poonchhe Haathon Ki Lakeeren Mit Gayin
Aaj Kaisi Ye An-Honi Mere Saath Ho Rahi Hai
Parh Rahee Hoon Khat Unki Tasveer Dekh Kar
Hame Na Pukaariye Khuda Se Baat Ho Rahi Hai
Kahin Muskuraa Rahi Hai Mehndi Haathon Mein
Kahin Maut Ki Baahon Mein Hayaat Ro Rahi Hai