Aaj majboor hai fir mehfil sajane ko

Aaj Majboor Hai‚  Fir Mehfil Sajane Ko
Dil Ke Lahoo Ki Syahi Se Ye Kalaam Likh Raha Hoon,
Apni Zindagi Bhi Aaj Uske Naam Likh Raha Hoon.
Mishaal Bana Dunga Main Aashiqui Ki Tere Pyar Me,
Tu Na Aayegi,Par Zindagi Guzaarenge Intezaar Me.
Aaj Ishq Ki Raah Me Marne Jaa Raha Hai,
Khuda Se Mili Zindagi Waapas Karne Jaa Raha Hai.
Tere Haathon Jo Mera Dil Na Tute,Hum Apna Dil Tod Aaye,
Tune Shirkat Ki Jo Galiyon Me,Hum Wo Sehar Chod Aaye.
Ishq Ki Tadbeer Par Koi Kabhi Yahaan Aitbaar Na Kare,
Eh Maula Is Jahaan Me Koi Bhi Itna Pyar Na Kare.
Aaj Mere Labon Par Har Jam Ko Thirakna Padega,
Dekhta Hoon Ek Khuda Tu Chahkar V Kya Karega.
Apni Yaad Ko Aaj‚  Har Dil Se Mitaa Dega,
Apne Dil Ke Tukdon Ko Saare Aashiqon Me Luta Dega.
Jaan Na Payega Jahaan Sa Koi Deewana Hua Tha,,
Har Shamma Jise Dhundhti Thi,Aisa Koi Parwana Hua Tha.
Pehli Baar Jahaan Me Ishq Ne Zamane Ko Hara Diya,
Lahoo Ki Is Sharab Ne Jo Har Paimane Ko Hara Diya.
Is Janam Na Sahi,Agle Har Janam Tu Sirf Meri Hai,
Kasak Bhari Yaadon Bin Ki Saans V Adhuri Hai.