Bahut si baatein unkahi hain uska bhi

Bahut Si Baatein Unkahi Hain,
Uska Bhi Ek Karan Mil Jaaye,
Yeh Jagate Hue Sawal Jo Shant Hai,
Mann Mein Hi Shant Ho Jaaye,
Darr Lagta Hai Ki Koi Humein Nahin Samjhega,
Logon Ka Nahi Apnon Ke Na Samajhne Ka Darr Hai,
Apnon Ko Khushi Ki Chaaya Dekar,
Gum Ki Dhup Mein Jal Rahein Hain ,
Apnon Ke Liye Jeene Aaye Hain,
Isliye Har Farz Nibha Rahein Hain,
Shikayaton Ka Izhar Nahi Karte,
Kyunki Aur Dukh Dena Nahi Chahte,
Phir Kyun Naa Chahkar Bhi,
Unki Khushiyon Ke Dushman Bane Hain,
Apne Aap Ko Talaash Rahe Hain,
In Sawalon Ki Duniya Mein,
Jahan Na Apna Hai, Na Paraya,
Na Apnon Ka Ehsas Hai, Na Saaya,
Phir Bhi Umeed Mein Jee Rahe Hain
Kabhi Hum Bhi Toh Jeeyenge,
Is Khushi Ki Chaaya Mein,
Un Apnon Ke Ehsas Mein,
Un Apnon Ke Saaye Mein,
Apnon Ke Saath, Apni Khushi Mein,
Kabhi Hum Bhi Toh Jeeyenge!!!!!!!!!!!!!!!!!