Bari baaton ko khatir main na lana

Bari Baaton Ko Khatir Main Na Lana Uss Ki Aadat Hai
Zara Si Baat Par Toofan Uthana Uss Ki Aadat Hai
Mohabbat Main Woh Sanjeeda Kahan Hai , Dekhtay Rehna
Mohabbat Har Kissi Se Yoon Jatana Uss Ki Aadat Hai
Shikayat Karney Aye Ho To Itna Zehn Main Rakhna
Subhi Baaton Ko Baaton Main Urrana Uss Ki Aadat Hai
Mohabbat Main To Woh Taza Ba Taza Hi Ka Qayal Hai
Puraani Chahaton Ko Bhul Jana Uss Ki Aadat Hai
Zyada Ghaur Bhi Achcha Nahin Hai Aisi Baaton Par
Kissi Ka Naam Likh Likh Kar Mitana Uss Ki Aadat Hai