Chalo doston aaj tumhe mere tutane ki

Chalo Dosto.N Aaj Tumhe
Mere Tutane Ki Wajah Batata Hun
Mere Tutane Ka Dard Sunata Hun
Jab Bhi Tuta Main
Hajaro.N Hath Uth Gaye Duao.N Me
Jab Nahi Tuta To Aashiqo.N Ne Lakho.N Mannte.N Ki
Ki Main Tut Jau Aur Unako Unaka Pyar De Jau
Itane Hath Uthe Duao.N Me Ki
Main Tutne Par Majbur Ho Gaya
Unaka Dard Itna Laga Ki
Main Apane Dard Se Dur Ho Gaya
Chandani Bhi Ye Chup Chap Dekhati Thi
Mere Tutne Par Sahar Me Roti Thi
Magar Wo Jaanti Thi Aashiqo.N Ka Dard
Aur Jaanti Thi Pyar Ka Farz
Isliye Bas Muskura Kar Mujhe Alvida Kahti Thi
Bas Yaro.N Itani Si Hi Hai Mere Tutne Ki Wajah
Or Bas Itana Sa Hi Hai Mere Tutane Ka Dard.