Chandni kay libaas main lipta wo ek

Chandni Kay Libaas Main Lipta Wo Ek Pal,
Kaash! Mujhay Mil Jaye To Zindagi Main Bhar Lu,
Wo Ek Pal Jab Hum Akalay Ho,
Wo Ek Pal Jab Tanhai Gunguna Rahi Ho,
Mere Badan Say Teri Khushboo Aa Rahi Ho,
Wo Ek Pal Jab Teri Zulfain Khuli Ho,
Teri Mehak Chandni Raat Main Ghuli Ho,
Wo Ek Pal Jab Teri Jheel C Aankho Main,
Lakhon Kamal Khilay Ho Do Kinaray Aapas Main Milay Ho,
Teri Palkon Par Umeedon Kay Laakhon Chiraag Jalay Ho,
Wo Ek Pal Jab Tera Aanchal Faila Ho,
Chandni Kay Chhunay Say Tera Badan Maila Ho,
Wo Ek Pal Jab Tera Zoban Madhosh Ho,
Tum Par Nasha Tari Ho Or Meri Aagosh Ho,
Wo Ek Pal Jab Hamari Sanso Main Toofan Ho,
Karwatay Leta Yeh Zamee Aasmaan Ho,
Wo Ek Pal Jab Mera Ehsaas Tum Tak Jaye,
Chupkay Say Tumko Apni Baahon Main Bhar Laiye,
Wo Ek Pal Jab Teri Churi Chhankti Ho,
Mere Kaano Main Holay Say Kush Kehti Ho,
Wo Ek Pal Jab Tere Andar Ik Pyaas Ho,
Har Pal Mujh Say Milnay Ki Aas Ho,
Wo Ek Pal Jab Khol Kar Baahain Tum Lo Angrai,
Har Taraf Tujhay Sirf Main Hee Doon Dikhai,
Wo Ek Pal Jab Teri Payal Chupkay Say Kush Bolay,
Teri Khamoshi Main Bhee Tere Dil Kay Raaz Kholay,
Wo Ek Pal Jab Hum Ek Doosray Main Ho Samaiye,
Hamaray Jismon Say Ek Sard C Aanch Aiye,
Wo Ek Pal Kaash! Mujhay Mil Jaye,
Us Pal Ko Apni Zindagi Main Bhar Lu,
Safar Ik Umar Ka Pal Main Tamaam Kar Lu,
Us Pal Main Jee Kay Ussi Pal Main Mar Lu,
Tujhay Baahon Main Sameit Kay Khud Bikhar Lu,
Tere Saparsh Say Khud Ko Chandan Kar Lu,
Us Anmol Pal Ko Tere Hee Naam Kar Du…….