Dil kee khaatir bae dil hokerdil ko hum

Dil Kee Khaatir Bae-Dil Hoker,Dil Ko Hum Ne Tod Diya
Tute Dil Ko,Dil Kee Khaatir,Khud Hee Hum Ne Jod Diya
Aaya Jo Tufaan To Beh Ke,Dil Ke Sub Armaan Gaye
Kis Ne Mera Rasta Dikhaaya, Kis Ne Tufaan Mod Diya
Dil Ke Saare Safhoan Per, Naam Usii Kaa Paaya Hum Ne
Jis Nae, Mujh Ko Rah Per Laaker,Saath Kabhi Kaa Chod Diya
Dil Main Dafan Unmoal Khazaanae,Yaad Kii Soorat Baaqi Thae
Us Ko Dhoonda, Us Ko Nikaala, Aur Usii Ko Tod Diya
Dil Kii Kirchi,Kirchi Kerkae,Tum Nae Kuch Achcha Naa Kiya
Main Nae Basaaya Laakh Jatan Sae,To Nae Pal Main Tod Diya
Saath Nibhana Khael Nahin Hai,Ab Ae Jaakae Jaana Main Ne
Toonae Mujh Ko, Aur Kii Khaatir,Tanha Kaesae Chod Diya
Dil Kae Rishtae Kaanch Hain Goya,Thaes Lagi Aur Toot Gayae
Main Nae Isko Laakh Sambhaala,Toonae Kaesae Tod Diya
Dilko Toone Tod Diya To Raz Kaa Bachna Sehel Nahin
Toone Khanjer Dil Main Ghoanpa,Yunhi Tadapta Chod Diya