Duniya me hu ka talabgar nahiin baazaar

Duniya Me Hu Duniya Ka Talabgar Nahiin Hu
Baazaar Se Guzraa Hu Khariidaar Nahiin Hu
Zindaa Huun Magar Ziist Kii Lazzat Nahiin Baaqii
Har Chand Ki Hu Hosh Men Hoshiyaar Nahiin Hu
Is Khaana-E-Hastii Se Guzar Jaauungaa Belaus
Saayaa Hu Faqat Naqsh-E-Darodiivaar Nahiin Hu
Afsurdaa Huun ‘Ibrat Se Davaa Kii Nahiin Haajat
Gham Kaa Mujhe Ye Zo’f Hai Biimaar Nahiin Huun
Vo Gul Huun Khizaan Ne Jise Barbaad Kiyaa Hai
Uljhuun Kisii Daaman Se Main Vo Khaar Nahiin Huun
Yaa Rab! Mujhe Mai’hafuuz Rakh Us But Ke Sitam Se
Main Us Kii ‘Inaayat Kaa Talabgaar Nahiin Huun
Afsurdagiiojaur Kii Kuchh Had Nahiin “Akbar!”
Kaafir Ke Muqaabil Men Bhii Deendaar Nahiin Huun