Gham e hijr e yaar kab tak rahoon be qaraar tak mere

Gham-E-Hijr-E-Yaar Kab Tak Rahoon Be-Qaraar Kab Tak?
Mere Dil Bata Yeh Mujh Ko Karoon Us Ko Pyar Kab Tak?
Yeh Hujoom-E-Naa-Muraadee Gham-E-Be-Shumaar Kab Tak?
Teree Baat Kaa Bharosah Tera Intizaar Kab Tak?
Shab-E-Hijr Kee Udaasee Kaheen Mujh Ko Le Nah Doobe!
Meree Dharkanon Peh Ho Gaa Teraa Ikhtiyaar Kab Tak?
Nah Hee Aaj Kaa Bharosah, Nah Hee Kal Kee Hain Umeeden
Teree Reh-Guzar Takoon Men, Shab-E-Wasl-E-Yaar Kab Tak?
Jahaan Dekhiye Andheraa! Jahaan Sochiye Udaasee!
Raah-E-Zindagee Men Yaa Rab! Rahe Gaa Ghubaar Kab Tak?
Main Nikal Paraa Thaa Tanhaa, Liye Saare Ranj Dil Par
Magar Phir Khayaal Aayaa Keh Sahoon Yeh Baar Kab Tak?
Meree Aankhein Tak Rahin Hain Teri Waapsi Ki Raahein
Tu Hi Ab Bataa De Mujhko Karun Intizaar Kab Tak?!
Mujhe Yoon To De Gayaa Hai Woh Dilaasah Jaate Jaate
Magar Ab Yeh Sochta Hoon Karoon E’tibaar Kab Tak?