Harr qadam tumhara manzil ki taraf uthey

Harr Qadam Tumhara Manzil Ki Taraf Uthey
Aakaash Ke Sitaaron Ko Choo Lo Tum
Khushiyan Harr Dam Tumhari Raah Takein
Jugnuon Ki Tarha Jhilmilao Tum
Kaash Ke Aisa Ho Jaye
Kisi Qadam Par Mehsoos Na Ho Kami Meri
Kisi Muqaam Par Mujh Ko Yaad Na Karo Tum
Khushiyon Mein Aise Apni Magan Raho
Kabhi Maazi Ke Warq Na Palto Tum..
Magar Yeh Bhi Yaad Rakhna
Agar Kisi Manzil Par Ponhach Kar Koi Dard Mil Jaye
Aankh Tumhari Jo Kabhi Pur-Nam Ho Jaye
Kabhi Kisi Apne Ki Kami Mehsoos Karo Tau
Tau Tum Mujhe Pukaar Lena
Aur Agar Yeh Bhi Na Kar Paao Tau
Dil Ko Apne Samait Lena
Aur Bas Yaad Mujhe Tum Kar Lena
Aankhon Ke Duwaron Ko Band Kar Lena
Mehsoos Mujhe Tum Kar Lena
Aur Phir Yun Karna Keh
Saare Raaz Apne Dil Ke
Tum Mujh Se Keh Lena
Saare Dard Apne Dil Ke
Tum Mujh Se Baant Lena
Bas Meri Ek Aakhri Khwahish Yaad Rakhna
Jab Meri Hayaat Ka Safar Tamaam Hone Lage
Mere Qadam Meri Aakhri Manzil Ki Taraf Rawan Hone Lagein
Mujhe Qabr Tak Le Jaane Waale Chaar Apne Qandhon Mein
Ek Qaandha Tumhara Bhi Ho….