Kahan se shuru karu aur khatm ise

Kahan Se Shuru Karu Aur, Khatm Ise Kahan Karu?
Kaise Kissa Barson Ka Kuch Lamhon Me Bayan Karu?
Ek Rang Tha Masoomiyat, Ek Pyar Tha Rang
Ek Rang Tha Aansoo, Ek Muskurahat Ka Rang
Ek Rang Tha Josh Ka, Ek Nirasha Ka Rang
Zindagi Ke Kagaz Pe Bikhre Sab Ek Sung
Kis Tarah Ek Rang Ko Doosre Se Juda Karu?
Kaise Kissa Barson Ka Kuch Lamhon Me Bayan Karu?
Kuch Lamhe Doston Ke, Kuch Ajnabi Se Pal
Kuch Pehchana Sa Aaj, Kuch Andekha Sa Kal
Kuch Honthon Pe Hansi Thi, Kuch Palkein Hui Sajal
Kuch Tukde Kaanch Ki Kahani K Chunne Hain Sambhal
Har Chubhne Vali Yad Ko Aaj Phir Main Ravaan Karu.
Kaise Kissa Barson Ka Kuch Kuch Lamhon Me Bayan Karu?