Khat pe ab tak un ke honton

Khat Pe Ab Tak Un Ke Honton Ka Nishaan Maujood Hai,
Harf Madham Ho Gaye Lekin Bayaan Maujood Hai.
Koi Hasrat Koi Khwahish Dil Mein Ab Baqi Nahin,
Ja Chuke Hain Sab Makeen Khali Makaan Maujood Hai.
Aatish Angezi Ka Manzar Dekh Lo Gaaratgaro,
Saamne Barbad Mera Aashiyaan Maujood Hai.
Ik Taraf Insaniyat Thi Ik Taraf Haivaniyat,
Cheen Ki Deewar In Ke Darmayaan Maujood Hai.
Kaun Duniya Mein Mita Sakta Hai Taqdeer-E-Ghazal,
Jab Talak `shabnam’ Ghazal Ka Qadr Daan Maujood Hai.

By Shabnam Sultana`ada’