Ladka tha ek apne dil ka woh

Ladka Tha Ek, Tha Apne Dil Ka Woh Raja,
Yaaron, Khushi Ka Din Hai Bazao Band Baaja,
Ho Raha Hai Ruksat Duniya Se, Dekho
Char Kandho Per Uth Raha Hai Mera Janaza…
Mere Marne Ki Khabar Paa Ker
Yaaron Woh Bhi Daudi Chali Aayegi,
Nahi Dekha Mujhe Kabhi Jin Nazron Se,
Aaj Un Aankhon Se Woh Aansoo Bahayegi…
Nahi Chale Kabhi Do Kadam Saath Hum,
Aaj Chal Rahi Woh Mere Janaze Ke Saath Hai,
Jis Haath Ko Thama Nahi Barson Mein,
Aaj Thama Hua Usne Woh Haath Hai…
Jisne Jalaya Hai Mere Dil Ko Itna,
Aaj Dekho Use Mujhko Bhi Jalana Hai,
Nahi Nibha Payi Pyar Ki Kasmo Ko Woh, Per
Aaj Use Sab Rasmo (Kriya) Ko Nibhana Hai…
Mere Jalne Per Bhi Jinda Rahega Pyar,
Sirf Mera Shareer Hi Mitti Mein Mil Jaayega,
Fainkoge Jahan Us Mitti Ko,
Wahan Pyar Ka Koi Phool Khill Jaayega…
Rahoonga Hamesha Ek Ehsaas Banker,
Or Uski Har Yaad Mein Bas Jaaunga,
Jis Jahan Se Nahi Aata Hai Waapis Koi,
Jaan Bata Us Jahan Se Mein Kaise Laut Aaunga…