Shayad kahin kho gayi hai zindagi gum

Shayad Kahin Kho Gayi Hai Zindagi,
Gum Ki Andheri Raat Mein
Jaise Kabhi Kho Jaata Hai Koi Lamha,
Girkar Vaqt Ki Panaah Se
Jaise Ek Boond Paani Ki Kabhi
Bichad Jaati Hai Nadi Ki Dhara Se
Kabhi Bahaar Ka Koi Chota Sa Zara
Reh Jaata Hai Peeche Patjhad Ki Hawaaon Main.
Jaise Musafiron Se Bhari Raah Par
Kat Jaata Hai Safar Akele Hi
Ho Kitna Bhi Shor Chaaron Taraf,
Lagta Hai Jaise Hai Ek Khamoshi Si.