Woh kuch is tarah katraanay lagay ki

Woh Kuch Is Tarah Katraanay Lagay
Ki Guzray Huay Din Afsaanay Lagay
Kal Tak To Thay Jo Izhaar-E-Muhabbat
Wahi Aaj Hawas Kay Bahaanay Lagay
Na Lagaao Pehray Is Khusbu Par
Jiskay Haasil Main Mujhay Zamaanay Lagay
Pighal Jaatay Thay Jo Baahon Main Kabhi
Ab Faaslay Itnay Banaanay Lagay
Poocha Hai To Keh Di Dil Ki Baat
Ab Na Kehna Tujhay Rulaanay Lagay