Yaad nahiin kyaa dekhaa thaa saare manzar

Yaad Nahiin Kyaa Kyaa Dekhaa Thaa Saare Manzar Bhuul Gaye
Us Kii Galiyon Se Jab Laute Apanaa Bhii Ghar Bhuul Gaye
Khuub Gaye Pardes Ki Apane Diivaar-O-Dar Bhuul Gaye
Shiish-Mahal Ne Aisaa Gheraa Mittii Ke Ghar Bhuul Gaye
Tujh Ko Bhii Jab Apanii Qasamen Apane Vaade Yaad Nahiin
Ham Bhii Apane Khvaab Terii Aankhon Mein Rakh Kar Bhuul Gaye
Mujh Ko Jinhone Qatl Kiyaa Hai Koii Unhen Batalaaye “Nazeer”
Merii Laash Ke Pahaluu Mein Vo Apanaa Khanjar Bhuul Gaye