Aaj fir jaam se maykhwaar ne madad

Aaj Fir Jaam Se Maykhwaar Ne Madad Lee Hai
Un Ke Aaney Ki Khabar Se Yeh Fazaa Badlee Hai
Qatl Se Khoon Ek Boond Bhi Nahi Nikla
Apne Saiyaad Se Mainey Abhi Sanad Lee Hai
Yeh Hai Aab-E-Hayaat Pyaas Raheigee Kaise
Woh Bhi Bey-Bas Ho Khaaksaar Ne Naqad Lee Hai
Koyi Batlaaye Bhala Kya Gunaah Hai Is Mein
Chand Qatroun Mein Sarey Aam Naamzad Lee Hai
Hosh Mein Hoon! Magar Jahaan Ko Huaa Hai Kyaa
Dard Gulcheen Sey Mahaz Ghoont Ik Adad Lee Hai
Meyrey Saaqee Ney To Khum Rakh Diye Hain Peeney Ko
Meiney Chushkee Hi Numoodaar Neem-Qad Lee Hai
Khaak Hi Khaak Hai Har Simt Yahaan Kuchh Bhi Naheen
Kyaa Haqeeqat Nirey Pyaaloun Ki Kabhi Badlee Hai
Mujh Ko Jaanaa Hai Wahaan: Kooch Ki Hai Taiyaree
Kyu Abhi Tak Nahi Tooney ‘Abd’ Rasad Lee Hai