Aaj ki ye rat sanam phir yad

Aaj Ki Ye Rat Sanam, Phir Yad Tumhari Layi Hai,
Koi Bhi Nahi Hai Pas Mere, Phir Bhi Nahi Tanhai Hai.
Aankhen Sheetal Si Lagti Hai, Jinme Teri Tasveer Lagi,
Sanse Komal Si Lagti Hai, Jisme Ki Tum Ho Aan Basi.
Kyu Kaano Mein Hai Jaltarang, Kya Tumne Mujhe Pukara Hai,
Kyu Seene Mein Hai Uthi Umang, Kya Tumne Kiya Isahara Hai.
Ab Tum Hi Kaho Ke Kya Main Karu, Kya Dil Ka Mere Haasil Hai,
Har Hawa Ka Jhoka Tum Sa Lage, Kyu Har Pal Lagta Bojhil Hai.
Mai Janta Hu Iss Dunia Ko, Iski Rasmein Tumhe Rok Rahi,
Par Dil Kehta Tum Aaogi, Ye Rut Ab Mujhpe Bojh Bani.
Hai Pyar Agar Mera Saccha, Gar Aahon Mein Geherayi Hai,
Tumhe Aana Hoga Aye Humdum, Ke Jan Pe Ab Ban Aayi Hai.
Hai Aah Ye Tumhare Liye Sanam, Tumhare Liye Hi Ye Dil Hai,
Tumse Hi Hai Mera Har Manjar, Bas Tu Hi Meri Manjil Hai.
Tere Liye Hi Mai Jeeta Hu, Mar Kar Kyu Tujhe Ruswa Main Karu,
Ab Aa Bhi Ja Aye Pyar Mere, Kahi Intezaar Hi Mein Na Maru.