Aaj mere shab e furqat ki sahar aai hai

Aaj Mere Shab-E-Furqat Ki Sahar Aai Hai
Muddaton Baad Teri Raahaguzar Aai Hai
Dekh To Lijiye Mere Khun-E-Tamainnaa Ki Bahaar
Jis Ki Surkhi Meri Aankhon Mein Utar Aai Hai
Tune To Tark-E-Muhabbat Ki Qasam Khaai Thi
Kyon Teri Aankh Mujhe Dekh Ke Bhar Aai Hai
Un Ke Pairaahan-E-Rangin Ki Mahak Hai Is Mein
Aaj Kyaa Baad-E-Sabaa Hoek Udhar Aai Hai
Is Mein Kuchh Un Ki Jafaayen Bhi To Shaamil Hain ‘Shamim’
Bevafaai Ki Jo Tohamat Mere Sar Aai Hai