Aaj nanhe kadmo ko bahut bada bojh

Aaj Nanhe Kadmo Ko Bahut Bada Bojh Dhote
Paaya, Aaj Meri Aankhon Ne Ek Masoom Bache
Ko Paiso Ke Liye Kaam Karte Hue Paaya,
Bookh Ki Duhaayi De Lo Ya Phir De Do Naam Ise
Majboori Ka, Aaj Maine Kohre Aur Thand Me
Ek Bache Ko Bartann Dhote Hue Paaya,
Wo Hawa Jo Band Kapdo Me Bhi Mujhe Jinjhod Rahi
Thi, Uss Hawa Se Maine Uss Masoom Bache Ko Badi
Himmat Se Ladte Hue Paaya,
Maine Kabhi Jiss Cheez Ki Kadar-Parwaah Bhi Na Ki,
Uss Cheez Ke Liye Uss Bache Ki Nanhi Aankhon Ko
Maine Taraste Hue Paaya,
Ham Bhi Kar Lete Hai Kaam Ke Saath-Saath Hassi
Majak Kabhi, Par Maine Uss Masoom Ke Chehre Pe
Kaam Ki Taraf Ek Ajeeb Hi Farz Paaya,
Chal Rahi Thi Ek Duniya Saath Uske Har Pal, Par
Maine Uss Bache Ko Khaali Gilaas Me Apna Koi
Wajood Doondte Hue Paaya,
Dekh Ke Uske Masoom Nange Kadmo Ko Mera Dil
Bhar Aaya, Par Sach Me Aaj Maine Ek Masoom Ko
Zindagi Ke Kathor Niyamo Pe Muskuraate Hue
Chalte Paaya-Â…