Ab mere dil mein koi teer nahi

Ab Mere Dil Mein Koi Teer Nahi,
Ghar Ki Deewar Pe Tasweer Nahi !
Aankh Khulte Hi Milenge Aansu,
Aur Kuchh Khawab Ki Tabeer Nahi !
Koi To Sath Hamara Deta,
Shahar Me Kya Koi Dilgeer Nahi !
Ek Andhhe Ki Nazar Hai Rasta,
Door Tak Koi Bhi Rahgeer Nahi !
Waqt Ki Kaid Bhi Baki Na Rahi,
Ab To Lamhon Ki Bhi Zanzeer Nahi !
Koi Aa Jaye To Ban Jata Hai,
Warna Dil Ki Koi Tameer Nahi