Ab sitaarey nigal gayaa suraj chaal ik

Ab Sitaarey Nigal Gayaa Suraj, Chaal Ik Aur Chal Gayaa Suraj
Saath Mere Safar Pe Niklaa Thaa, Mujh Se Aagey Nikal Gayaa Suraj
Jaise Daftar Kaa Ik Mulaazim Ho, Shaam Hotey Hii Dhal Gayaa Suraj
Yun Ghulaa Shaam Ko Wo Lahron Mein, Log Samjhey Pighal Gayaa Suraj

Chaand Ban Kar Wo Phir Se Nikaleigaa, Kaun Kahtaa Hai Dhal Gayaa Suraj?
Jab Charaaghaan Huaa “Feroz” Ke Ghar, Dil Kaa Chhotaa Tha, Jal Gayaa Suraj