Ab zikr e hijr hai na hee qissah visaal

Ab Zikr-E-Hijr Hai Na Hee Qissah Visaal Kaa
A’alam Ab Aur Hai Miree Bazm-E-Khayaal Kaa
Lo! Aaj Ham Ne Tor Diyaa Rishtah-E-Umeed
Ab Kyaa Savaal Un Se Javaab-O-Savaal Kaa?
Hangaamah,Haa-E-Shauq Kee Sarmastiyaan Na Pooch
Voh Vaqt-E-Sarkhushee, Voh Samaan Infi A’al Kaa
Shaayad Isee Kaa Naam Hai Me’raaj-E-Aagahee
Teraa Patah Hai Mujh Ko Na Hee Apne Haal Kaa
Gham,Haa-E-Kaa,Inaat Sabhee Khwaab Ho Gaye
A’ijaaz Hai Yeh Kis Ke Jamaal-O-Jalaal Kaa?
Kehne Ko Yoon To Keh Gaye Ham Daastaan-E-Gham
Lekin Lagaa Rahaa Hamen Dharkaa Ma,Aal Kaa
Voh Aik Pal Jo Yaad Mein Teree Guzar Gayaa
Afsaana-Khwaan Rahaa Voh Gham-E-Maah-O-Saal Kaa
Yeh Shokhee-E-Kalaam, Yeh :sarwar: Tiree Ghazal
Kyaa Aa Gayaa Khayaal Kisee Khush-Jamaal Kaa?