Aisi raaten bhi kai guzri hain jab

Aisi Raaten Bhi Kai Guzri Hain
Jab Teri Yaad Nahin Aayi Hai
Dard Sine Mein Machaltaa Hai Magar
Lab Pe Faryaad Nahin Aati Hai
Har Gunaah Saamne Aa Jaataa Hai
Jaise Taarik Chat-Taanon Ki Qataar
Na Koi Hilaa-E-Teshaa-Kaari
Na Madaavaa-E-Rihaai Na Faraar
Aisi Raaten Bhi Hain Guzri Mujh Par
Jab Teri Raah-Guzar Men Saaye
Har Jagah Chaar Taraf The Chhaaye
Kabhi Bhaage Kabhi Aaye
Tu Na Thi Teri Tarah Ke Saaye
Saaye Hi Saaye The Raqsaan
Main Na Thaa Meri Tarah Ke Saaye
Saaye Hi Saaye The Larzaan Larzaan
Saaye Hi Saaye Teri Raahguzaar Ke Saaye
Aisi Raaten Bhi Hain Guzri Mujh Par
Jab Teri Yaad Nahin Aayi Hai