Ashk reh rehker merii ankhon se bahey

Ashk Reh Rehker Merii Ankhon Se Bahey Jatey Hain
Ye Wo Mehmaan Hain Jo, Bin Bulaye Chale Atey Hain
Hizr Ke Mausam Mein Dilon Ka Sisakana Sari Raat
Shama Khamosh Hai Magar Hum To Jaley Jatey Hain
Baat Kehnii Thii Nermi Se Magar Jubano Kii Talkhii
Lafz Kharon Kii Tarah Dil Mein Chubhe Jatey Hain
Merii Bebasi Pe Rota Hai Barasta Aasman Ab Bhii
Ye Wo Baadal Hain Jo Ahon Se Buney Jatey Hain
Aaj Phir Tere Dil Ne Humey Tarapker Pukara Aise
Bina Rahon Ke Kadam Teri Janib Uthey Atey Hain