Bazm e sukhan sajaao tabiyat udaas hai saaqi zaraa

Bazm-E-Sukhan* Sajaao Tabiyat Udaas Hai
Saaqi Zaraa Pilaao, Tabiyat Udaas Hai
Har Ashq Ne Dum Todne Se Qabl* Ye Kahaa
Unko Bulaa Ke Laao, Tabiyat Udaas Hai

Chedo Na Abhi Dastaan-E-Kaamyaab-E-Ishq
Thoda Thehar Bhi Jaao, Tabiyat Udaas Hai
Vo Shokhiyaan, Vo Mastiyaan Vo Din Bahaar Ke
Ab Yaad Na Dilaao, Tabiyat Udaas Hai
Ai Dil Ye Gham-E-Yaar Kisi Kaam Bhi To Aaye
Kaghaz-Qalam Uthaao, Tabiyat Udaas Hai
“Maikash” Vo Yaad Aa Rahe Hain Aaj Baar-Baar
Ab Mai’kade Ko Jaao, Tabiyat Udaas Hai