Besan ki sondhi roti pe khatti chatni

Besan Ki Sondhi Roti Pe Khatti Chatni Jaisi Maa
Yaad Aati Hai‚  Chauka Basan Chulhe Chimte Jaisi Maa
Ban Ki Khurri Khat Pe Leti Har Ahat Pe Kan Dhare
Aadhi Soi Aadhi Jagi Thaki Dupahari Jaisi Maa
Biwi Beti Bahan Padosan Thodi Thodi Sab Men Banti
Din Bhar Ek Rassi Ke Upar Chalti Naatni Jaisi Maa
Bant Ke Apna Chehra Matha Aankhen Jaane Kahan Gai
Fate Purane Ek Elbum Men Chanchal Ladki Jaisi Maa