Bheegi hui aankhoon ka yeh manzar na

Bheegi Hui Aankhoon Ka Yeh Manzar Na Mile Ga
Ghar Chor Ke Matt Jao Kaheen Ghar Na Mile Ga
Phir Yaad Bohat Aaye Gi Zulfoon Ki Ghani Shaam
Jab Dhoop Mein Saaya Koi Sar Par Na Mile Ga
Aansoo Ko Kabhi Aos Ka Qatra Na Samjhna
Aisa Tumhein Chahat Ka Sumandar Na Mile Ga
Is Khaab Ke Maahol Mein Bekhaab Hain Aankhein
Jab Neend Bohat Aaye Gi Bistar Na Mile Ga
Yeh Soch Lo Ab Aakhri Saaya Hai Mohabbat
Iss Dar Se Utho Gey To Koi Darr Na Miley Ga