Chehre par lakeer e ashq ko kaise main chhupaaun

Chehre Par Lakeer-E-Ashq Ko Kaise Main Chhupaaun,
Badhaal Hain Iss Dil Kaa Kaise Tumhe Bataaun,
Dil Pe Naam Likha Hain Saahil Kii Reth Par Nahi,
Maut Aane Se Pehle Tera Naam Kaise Mitaaun,
Likha Karti Hoon Aksar In Khaamosh Nigahon Se,
Kaagaz Pe Likhe Jazbaat Kaise Tumhe Padhaaun,
Dil Kii Har Ekk Dhadkan Sirf Tumhare Geet Gaye,
Pyaar Bhara Ye Fasaana,Kaise Tumhe Sunaaun,
Umeed Tere Aane Kii Kabki Chhod Chuki Hoon,
Main To Samajh Gayi,Par Iss Dil Ko Kaise Samjhaaun,
Dil Naa Laga Paaungi Tere Jaane Ke Baad Phir Se,
Ae Yaar!Khata-E-Mohabbat Ko Kaise Main Dohraaun,
Meri Aankhein Chahe Dekh Lein Duniya Kii Tabaahi,
Par Tujhe Gair Kii Baahon Mein Kaise Dekh Paaun,
Tu Hi Bata De Dilbar,Tera Saath Paane Ki Khaatir,
Apne Uljhe Mukaddar Ko Kaise Main Suljhaaun