Chotte se haathon ki chotti si ungliyan

Chotte Se Haathon Ki Chotti Si Ungliyan
Chotti Si Nosei Woh Chotti Si Akhiyan
Chotte Se Dimple Woh Laal-Laal Gallliyan
Khushiyon Bhari Meri Pyari Si Duniya
Chotte Se Honton Se Woh Chachi Pukaarna
Dekh Mujhe To Uska Muskuraana
Jhat Se Lipatna Aur Godi Me Chadna
Chad Ke Phir, Woh Pyar Bikhairna
Masoom Si Baatein, Woh Uska Sataana
Sata Ke Mujhe Phir Khud Rooth Jaan
Woh Thedi Si Aankhon Se Uska Dekhna
Shaitaani Bhari Phir Muskaan Dena
Kahin Nahi Milta Aisa Pyara Sa Gehna.
O Meri Gudiya Tu Sada Khush Rehna
Uski Yaadon Me Woh Chhup Ke Aansoo Bahaana
Photo Dekhna Aur Khud Se Rooth Jaana
Phone Pe Phir Uski Aawaaz Sunna
Sunte Hi Chachi Woh Mera Khilkhilaana
Woh Pyari Si Aawaaz Wahi Hai Shaitaani
Pata Nahi Kya Ho Gayi Woh Sayaani
Kehti Hai Mujhse Tum Jaldi Se Aana
Aate Hue Dheron Saamaan Laana
Gudde Bhi Laana Gudiya Bhi Laana
Saath Me Dher Si Toffiyaan Bhi Laana
Meri Nanhi Si Gudiya Ne Fir Farmaaya
Agli Baar Chachi Mujhe Saath Le Jaana