Darecha khool ke dekho tumhare dar pe

Darecha Khool Ke Dekho Tumhare Dar Pe Aaya Hoon
Kahin Se Jism Ko Apne Bilaakhir Khench Laya Hoon
Kahi Aisa Na Ho Mar Jaon Main Dekhe Bina Tujh Ko
So Apne Saath Ik Tasveer Teri Le Ke Aayaa Hoon
Main Jis Ke Pair Choota Hoon Main Khud Hi Wo Bulandi Hoon
Main Apni Chaaoon Main Baitha Hoon Apne Zer-E-Saya Hoon
Zubaan Bijli Ki Jis Ko Chat Jaye Wo Shajer Hoon Main
Main Khud Ko Khak He Kerne Lab-E-Badal Tak Aaya Hoon
Mujhe In Aasmaanoon Se Nahi Hai Koi Bhi Matlab
Mujhe Hai Pyar Dharti Se Ke Main Dharti Ka Jaya Hoon