Dasht e hijran mein saya na sada tere baad

Dasht-E-Hijran Mein Saya Na Sada, Tere Baad,
Kitne Tanha Hai Tere Abla-Paa Tere Baad,
Lab Pe Ek Harf-E-Talab Tha, Na Raha Tere Baad,
Dil Mein Taseer Ki Khwahish Na Dua Tere Baad,
Ek Hum Hai Ke Hai Be Barg-O-Nawa Tere Baad,
Warna Abad Hai Ek Khalq-E-Khuda Tere Baad,
Ek Qayamat Ki Khirashen Mere Chehre Pe Sajayein,
Ek Mehshir Mere Andar Se Utha Tere Baad,
Tu Keh Simta Tu Rag-E-Jaan Ki Hadon Mein Simta,
Main Ke Bikhra To Sameta Na Gaya Tere Baad,
Ye Alag Baat Ke Afsha Na Hua Tu Warna,
Maine Kitna Tujhe Mehsoos Kiya Tere Baad,
Meri Dukhti Hui Aankhon Se Gawahi Lena,
Maine Socha Tujhe Apne Se Siwa Tere Baad??
Seh Liya Dilne Tere Baad Malaamat Ka Azab,
Warna Chubhti Hai Rag-E-Jaan Mein Hawa Tere Baad