Ekk umr ho gayi tanhaa chalte huye

Ekk Umr Ho Gayi Tanhaa Chalte Huye
Yun Qatre Lahoo Ke Nigalte Huye
Chalti Hoon Yaadon Ke Ped Ke Patte
Pairon Tale Apne Kuchalte Huye
Seher Kii Aarzoo Karta Hain Dil
Aksar Shaamon Ko Tehelte Huye
Berang Ho Chala Har Tinka-Tinka
Zindaagii Ke Rangon Mein Dhalte Huye
Shayad Ekk Arsaa Guzar Bhii Gaya
Khushi Kii Chah Mei Machalte Huye
Dard Se Rishta Nibhaa Rahi Hoon,
Pal-Pal Is Tapish Mei Jalte Huye,
Bemaani Is Daud Mei Tham Jaaun Bas!
Rota Hai Dil Bhii Dahalte Huye,
Manzil Hii Teri Tujhse Khafa Hain Kasak
Kya Chalna Ab Raste Badalte Huye.