Gum ke saaye ban khanzar seene mein

Gum Ke Saaye Ban Ke Khanzar Seene Mein Utar Aayenge
Dil Kii Gehrai Se Tanhaiyon Ke Shor Ubhar Aayenge
Dariya-E-Dushwari To Paar Karne Kii Qoowat* Thii Hamari
Socha Naa Tha Raah Mein Kabhii Ufante Samandar Aayenge
Khawabon Kii Buniyaad Par Taamir Kii Thii Imaarat Hamne
Ilzaam Is Tabaahi Ke Mere Sar Aayenge
Aalam-E-Khiza Mein Puch Baithta Huun Khud Se Aksar
Zindagi Ke Safar Mein Kya Kabhii Bahaar Ke Manzar Aayenge?
Tay Kiye Ja Raha Huun Safar-E-Sehra Is Umeed Mein “Kureel”
Paigaam-E-Manzil Dete Raah Mein Kabhi Gulistaan Nazar Aayenge