Hai adhuri abhi ye dastan mohabbat ki

Hai Adhuri Abhi Ye Dastan Mohabbat Ki
Ke Is Aashiq Ka Janaaza Nikalna Abhee Baaki Hai
Tod To Pehle Hi Diya Tha Dil Ko
Dil Ke Tukdo Ko Kadmo Se Kuchalna Abhi Baaki Hai
Jhulse Hai Phool Mohabbat Ke Teri Bewafaee Se
In Murjhaaye Phoolo Me Teri Saanson Ki Mahek Abhi Baaki Hai
Jala Ke Raakh Kiya Jo Tune Dil Ke Aashiyane Ko
Bujhi Raakh Me Tere Aagosh Ki Dahek Abhi Baaki Hai
Nahi Hui Hai Intehaa Abhi Is Darde Mohabbat Ki
Ke Ye Din To Guzar Gaya Lekin Shaam Abhi Baaki Hai
Nahi Khoya Hai Humne Hosh Ke Kitna Bhi Pee Gaye Hai
Tere Haathon Se Aye Saaki Ek Aakhri Jaam Abhi Baaki Hai
Hai Jo Khwaish Teri Tu Badnaam Aur Bhi Kar Le
Bazaar E Husn Me Humari Kuch Aur Aan Abhi Baki Hai
Na Bharenge Aah Bhi Aye Zaalim Tu Sitam Aur Kar Le
Dhadkanein To Ruk Gai Hai Magar Kuchh Aur Jaan Abhi Baaki Hai