Ham nay hii lotnay ka iraadaa nahin

Ham Nay Hii Lotnay Ka Iraadaa Nahin Kiyaa
Usnay Bhii Bhool Jaanay Ka Waadaa Nahin Kiyaa
Dukh Aurhtay Nahin Kabhii Jashn-E-Tarab Main Ham
Malboos-E-Dil Ko Tun Ka Libaada Nahin Kiyaa

Joh Gham Milaa Hai Boaj Uttaayaa Hai Uska Khud
Sar Zair-E-Baar-E-Saghar-O-Baada Nahin Kiyaa
Kaar-E-Jahaan Hamain Bhii Bohet They Safar Kii Shaam
Usnay Bhii Iltafaat Ziyaada Nahin Kiyaa
Aamad Peh Tairii Itr-O-Charaagh-O-Suboo Na Hon
Itnaa Bhii Bood-O-Baash Ko Sadaa Nahin Kiyaa