Har ek rooh mein ik gham chupa

Har Ek Rooh Mein Ik Gham Chupa Lage Hai Mujhe
Ye Zindagi To Koi Bad-Dua Lage Hai Mujhe
Jo Aansuon Mein Kabhi Raat Bheeg Jaati Hai
Bahut Qareeb Wo Aawaaz-E-Pa Lage Hai Mujhe
Main So Bhi Jaaun To Kya Meri Band Aankhon Mein
Tamaam Raat Koi Jhaankta Lagey Hai Mujhe
Main Jab Bhi Uske Khyaalon Mein Kho Sa Jaataa Hoon
Wo Khud Bhi Baat Karey To Bura Lagey Hai Mujhey
Daba Ke Aayi Hai Seeney Mein Kaun See Aahein
Kuchh Aaj Rang Tera Saanwlaa Lagey Hai Mujhey
Na Jaaney Waqt Kee Raftaar Kya Dikhaatee Hai
Kabhi Kabhi To Bada Khauf Sa Lagey Hai Mujhey
Bikhar Gaya Hai Kuch Is Tarha Se Aadmi Ka Wajud
Har Ek Fard Koi Saanehaa Legey Hai Mujhey
Hikaayat-E-Gham-E-Dil Kuch Kashish To Rakhti Hai
Zamaana Ghaur Se Sunta Hua Lagey Hai Mujhey