Ho koee baat naya zakhm laga deta

Ho Koee Baat Naya Zakhm Laga Deta Hai
Ab To Ehsaas Bhi Jeene Ki Saza Deta Hai
Jaoon Gulshan Mein To Sookha Hua Patta Koee
Daastaan Shaakh Se Girne Ki Sunaa Deta Hai
Tere Kooche Se Jo Guzroon To Dareecha Tera
Yaad Tera Koee Andaaz Dila Deta Hai
Ghar Mein Bethoon To Koee Gosha Hi Ghar Ka Mujh Ko
Meri Tanhaaee Ka Ehsaas Dila Deta Hai
Choat Lagti Hai To Taskeen Si Paa Jaataa Hai
Ho Ke Zakhmi Mera Dil Aur Mazaa Deta Hai
Saadgi Dekhiye Us Qaatil E Masoom Ki Mushi
Zindagi Cheen Ke Jeene Ki Duaa Deta Hai