Hum ne to aitbaar kiyakya gunaah kiya

Hum Ne To Aitbaar Kiya,Kya Gunaah Kiya
Tum Se Hum Ne Pyar Kiya,Kya Gunaah Kiya
Har Ik Ko Bakhshi Izzat,Diya Sadaa Pyar
Na Kisi Ko Sharmsaar Kiya,Kya Gunaah Kiya
Dil Main Bithaya,Jis Ne Bole Do Meethe Bol
Us Ko Na Aghyaar Kiya,Kya Gunaah Kiya
Berukhi Ki Teri, Aadat Si Ho Gayee
Shikwa Na Tujh Se Yaar Kiya,Kya Gunaah Kiya
Kante Samet Liye, Daaman Main Har Baar
Tujh Ko To Nazr Haar Kiya,Kya Gunaah Kiya
Saaya Mila Na Kabhi,Raha Dhoop Se Rishta
Manzil Ka Intezaar Kiya,Kya Gunaah Kiya
Kholi Zabaan Na Hum Ne, Kisi Ke Bhi Aage
Ruswaa Na Tera Pyar Kiya,Kya Gunaah Kiya
Jab Jab Chalin, Adl-O-Insaaf Ki Baatein
Amal Tareeqa-E-Sarkar(Sal.)kiya,Kya Gunaah Kiya
Dekha Kiye Jhoot Ki Numaaish, Shab-O-Roz
Zulm Khud Pe Har Baar Kiya,Kya Gunaah Kiya
Shayad Wo Palat Aaye, Is Ummeed Pe Adil
Us Mod Pe Intezaar Kiya,Kya Gunaah Kiya