Hum tujh se kis havas ki falak

Hum Tujh Se Kis Havas Ki Falak Justuju Karen
Dil Hi Nahin Raha Jo Kuch Aarzoo Karen.
Mit Jaen Ek Aan Mein Kasrat Namayaan,
Ham Aaine Ke Samne Aakar Jo Hoo Karen.

Tar Damaani Pe Sheikh Hamaari Na Jaiyo,
Damaan Nichor Dain To Farishte Wazoo Karen.
Sar Ta Qadam Zabaan Hain Jun Shama Go Ke Ham,
Par Yeh Kahaan Majaal Jo Guftgoo Karen.
Har Chand Aina Hun Pur Itna Na Qabool,
Munh Pher Le Woh Jiske Mujhe Ruh-Ba-Roo Karen.
Ne Gul Ko Hai Sabaat, Ne Ham Ko Atbaar
Kis Baat Pur Chaman Havas-E-Rang-O-Bu Karen.
Hai Apni Yeh Salaah Ke Sab Zahidaan-E-Shahar,
Ai Dard A Ke Bet-E-Dast-E-Sabu Karen.