Humarey paas to aao bada andhera hai

Humarey Paas To Aao Bada Andhera Hai
Kaheen Na Chor Ker Jao Bara Andhera Hai
Udas Ker Gaye Bey’sakhta Lateefay Bhi
Ab Aansuoun Say Rulao Bara Andhera Hai
Koi Sitara Nahi Patharon Ki Palkon Per
Koi Charagh Jalao Bara Andhera Hai
Haqeeqaton Main Zamaney Bohat Guzar Chukay
Koi Kahani Sunaao, Bara Andhera Hai
Kitabain Kesi Utha Laye Maikaday Waley
Ghazal Kay Jaam Uthao Bara Andhera Hai
Ghazal Main Jis Ki Humesha Charagh Jaltay Hai
Usay Kaheen Say Bulao Bara Andhera Hai