Ik intazaar saa thaa ab nazar mein

Ik Intazaar Saa Thaa Ab Nazar Mein Vo Bhii Nahiin
Safar Mein Marane Kii Fursat Thii Ghar Mein Vo Bhii Nahiin
Zaraa Malaal Kii Zulmat Ko Taalane Ke Liye
Kaii Khayaal The Ab To Asar Mein Vo Bhii Nahiin
[Malaal = Sorrow/anguish; Zulmat = Darkness; Asar = Effect]
Jo Sang-O-Khaar The Merii Hii Gardishon Tak The
Main Rah-Guzar Mein Nahiin Rah-Guzar Mein Vo Bhii Nahiin
[Sang = Stone; Khaar = Thorn]
The Chashm-E-Baam Nagar Men Ajab Tuluu Ke Rang
Vo Ik Nishaat-E-Sahar Thaa Sahar Men Vo Bhii Nahiin
[Tuluu = Dawn; Nishaat-E-Subah = Happiness Of Dawn]
Rahe Na Kuchh Bhii Magar Ye Kaif Kyaa Kam Hai
Jis Aagahii Kii Kamii Thii Hunar Men Vo Bhii Nahiin
[Kaif = Intoxication; Aagahii = Forewarning; Hunar = Skill]