Jab tera dard mere sath wafa karta

Jab Tera Dard Mere Sath Wafa Karta Hai,
Ek Samandar Meri Aankhon Se Baha Karta Hai,
Us Ki Baatein Mujhe Khushboo Ki Tarah Lagti Hain,
Phool Jaise Koi Sehra Mein Khila Karta Hai,
Mere Dost Ki Pehchan Ye Hi Kafi Hai,
Wo Har Ek Shakhs Ko Danista Khafa Karta Hai,
Aur To Koi Sabab Us Ki Mohabbat Ka Tha Nahi,
Baat Itni Hai Ke Wo Mujh Se Jafa Karta Hai,
Jab Khizan Aayi To Laot Ayega Wo Bhi “Shoeb”,
Wo Baharon Mein Zara Kam Hi Mila Karta Hai.
By Shoeb Hasan