Jalwa jo us ne dikhaya mera jee

Jalwa Jo Us Ne Dikhaya Mera Jee Jaanta Hai
Phir Khuda Hi Nazar Aaya Mera Jee Jaanta Hai…
Uth Gayi Meri Zaban Per Se Jahan Ki Lazzat
Jo Maza Ishq Mein Paaya Mera Jii Jaanta Hai…
Mein Khatawar Hoon Khat Kion Ke Likho Ge Ke Tumhein
Jaisa Logon Ne Parhaya Mera Jee Jaanta Hai…
Kaun Kehta Hai Tere Ishq Se Anjaan Raha
Jeete Ji Tu Ne Jalaya Mera Jee Jaanta Hai…
Yaa To Woh Jaanta Hai Jo Hai Mere Jee Ka Haal
Aur Ya Baar-E-Khudaya Mera Jee Jaanta Hai…
Kiya Kahoon Tum Se Aji Ab To Hai Jeena Bhi Muhaal
Jaisa Jee Tum Ne Sataya Mera Jee Jaanta Hai…
Ae Zafar Is Gul-E-Khandaan Ki Muhabbat Ne Mujhe
Dam Ba Dam Rulaya Mera Jee Jaanta Hai…