Jee lo jindagi jitne hai usse jyada

Jee Lo Jindagi Jitne Hai Usse Jyada
Kar Lo Poora Gar Kiya Hai Kisi Se Waada
Milo Aise Jaise Kal Bichud Jaana Hai
Jaane Waale Ko Kahan Phir Laut Kar Aana Hai
Chalte Chalte Kab Shaam Ho Jaaye
Kaun Jaane Kab Kahan Sab Khatam Ho Jaaye
Jo Hai Aaj Jaroori Nahin Kal Ho
Har Waqt Khushi Kaa Hee Pal Ho
Kehte To Sab Hain Tumhaare Saath Hain
Der Nahin Lagti Jab Chode Haath Hain
Kab Koun See Mulakat Aakhiri Ho Jaaye
Kaun Jaane Kab Kahan Sab Khatam Ho Jaaye
Chahte Hain Jo Hum Kahan Poora Hota Hai
Dekhte Hain Jo Sapna Adhoora Hota Hai
Vo Jo Kal Tumhaare Paas Tha Apna Tha
Aaj Sochoge To Lagega Shayad Sapna Tha
Kab Koun Kaise Juda Ho Jaye
Kaun Jaane Kab Kahan Sab Khatam Ho Jaaye
Charon Tarf Yahan Bada Hee Andher Hai
Insaan Ko Badalne Mein Nahin Lagte Der Hai
Badalne Se Pehle Gale Se Laga Lo
Soye Hue Armaanon Ko Jaga Lo
Kab Saare Armaan Chaknachoor Ho Jaaye
Kaun Jaane Kab Kahan Sab Khatam Ho Jaaye