Jo dil sey nikaltee hai dard mein

Jo Dil Sey Nikaltee Hai Dard Mein Wo Gazal Hai
Shamma-‘a-See Pighaltee Hai Dard Mein Wo Gazal Hai
Yeh Moosiqi Hai Dharhkanoun Ki Guftgoo Naheen
Bin Aag Hi Jaltee Hai Dard Mein Wo Gazal Hai
Ham Kyaa Tumhain Bataayen Sunaayen Bhi Kyaa Tumhain?
Gaatee Huyi Chaltee Hai Dard Mein Wo Gazal Hai
Ro Leytey Par Uyoon Mein Baaqee Kahaan Hain Ashk?
Buhraan Mein Paltee Hai Dard Mein Wo Gazal Hai
Man Maantaa Naheen Hai Manaaney Sey Baarhaa
Tifloun-See Machaltee Hai Dard Mein Wo Gazal Hai
Ik Barq Arsh-E-Zehn Mein Har Lamhey Koundh Kar
Hookoun Mein Badaltee Hai Dard Mein Wo Gazal Hai
Aashiq Ki Jaan Aatish-E-Baatin Sey Pighal Kar
Aahoun Mein Ubaltee Hai Dard Mein Wo Gazal Hai
Jab Chain Kaheen Bhi Naheen Miltaa Hai Hijra Mein
Ahsaas-See Dhhaltee Hai Dard Mein Wo Gazal Hai
Har Lafz Mein Nihaan Ho Jigar-O-Dil Ki Jahaan Baat
Gas Khaa Key Sambhaltee Hai Dard Mein Wo Gazal Hai
Aatee Naheen Hai Neend: -‘Abd-‘ Jaagtey Huye
Khwaaboun Mein Tahaltee Hai Dard Mein Wo Gazal Hai