Kabhi kabhi tere hone ka ehsaas to ho

Kabhi-Kabhi Tere Hone Ka Ehsaas To Ho Zindagi
Aik Lamha Hi Sahi, Tu Mere Paas To Ho Zindagi
Na Khushi Kisi Baat Ki, Na Gham Se Taalluq Koi
Be-Matlab Si Zindagi, Kuch Raas To Ho Zindagi
Be-Taabi Se Dhundha, Begaane Chehroen Main
Teri Shaql Ka Dikhe Koi, Yeh Aas To Ho Zindagi
Tujhe Paane Ki Hasrat Hai Aur Koi Hasrat Nahin
Mujhe Paane Ki Tujhe Bhi Pyaas To Ho Zindagi
Yeh Kya Baat Hai Ki Na Pyaar Hai Na Be-Zaar Hai
-ŗbismil- Hone De Mujhe, Qisaas To Ho Zindagi