Kabhi ye lamha pal tumko bhi yaad

Kabhi Ye Lamha Ye Pal Tumko Bhi Yaad Aayega
In Aankhon Mein Jo Aaj Aansu De Kar Gayi Ho
Meri Yaad Mein Palkein Tumhari Bhi Bheeg Jayengi
Mera Pyar To Tum Bhi Apne Dil Mein Le Kar Gayi Ho
Nahin Milega Kabhi Koi Mujhsa Pyar Karne Wala
Chahne Wale To Yun Hazaar Mil Jayenge Tumko
Kabhi Jo Ek Pal Tum Tanhaai Mein Baithogi
Mere Sang Guzaare Ye Pal Yaad Aayenge Tumko
Shayad Thoda Hi Sahi Ye Mera Pyaar Hi Tha
Ke Laakh Chah Kar Bhi Hum Tumse Door Ja Na Saka
Tumhari Yaad Mein Har Pal Bita Diya Maine
Bas Gham Rahega Tumko Seene Se Laga Na Saka
Haan Sach Hai Tumhari Mohabbat Ektarfa Hi Rahi
Main Samajh Nahin Paaya Tum Samjhaa Nahin Paayi
Badnaseebi Thi Meri Na Jaan Paaya Tumhari Chahat
Kareeb Aa Nahin Paaya Tumne To Laakh Awaaz Lagayi
Maine Jab Bhi Tumse Door Ho Jaana Chaha Tha
Tumne Thama Tha Haath Bani Thi Meri Hamdam
Humari Jindagi Ki Raahein Hone Lagin Thi Juda
Sambhala Tha Tumne Jab Ladkhadaye The Ye Kadam
Shayad Meri Ye Jindagi Tum Bin Guzar Nahin Paayegi
Dard Gar Hadh Se Badh Jaaye To Nayi Raah Dikha Jaana Tum
Hai Kasam Mujhe Ek Baar Bhi Awaaz Nahin Dunga Tumko
Bas Jaane Se Pehle Apne Bina Jeena Sikha Jaana “Tum