Kaise divaaron se takraate hai mujhse pucho

Kaise Divaaron Se Takraate Hai Mujhse Pucho,
Kaise Humraah Chhod Jaate Hai Mujhse Pucho.
Ek Jaalim Se Samandar Ke Lutere Ki Tarah,
Loot Kar Khusiyan,Dubo Dete Hai Mujhse Pucho.
Haal Karte Hai Habibon Ka,Rakibo Se Kharaab.
Haq Me Humdardi Ke Kya Karte Hai Mujhse Pucho.
Kaise Karte Hai Dafn Apne Phool Se Jajbe,
Kaise Mahfil Mein Muskraate Hai Mujhse Pucho.
Husn Bedard Hai Vo Dil Ka Dard Kya Samjhe,
Dard Ko Kaise Piya Jata Hai Mujhse Pucho.
Jab Khatabaar Ho Masoom Khata Na Samjhe,
Kaise Lete Hai Sar Ilzaam Ye Mujhse Pucho.
Khud Ki Barbaadi Ka Kya Jasn Manaya Hai Kabhi,
Kaise Karte Hai Mejbaani Ye Mujhse Pucho.